طريقة عمل الهريس

1- يغسل حب الهريس جيدا بالماء ويفرغ الماء اكثر من مره حتى يصفى

وينقع بالماء


2- يغسل اللحم جيدا ويفضل لو يدعك بالدقيقه ويغسل مرة اخرى ( عشان الزفر والدم )
ويغسل ويدعك جيدا

3- يغلى ماء يغطى جدر الهريس لفوق النص ويضاف اليه حب الهريس ويترك حتى ينتفخ حب الهريس قليلا ثم يضاف اللحم

4- يزال الزبد الابيض المتكون فوق الماء بين الحين والاخر حتى يختفي ،،

5- يترك على نار هااااااااااادئه ويغطى جيدا حتى لا يخرج البخار الى الخارج

وعشان يركد حب الهريس في القاع ،، ومايحترق اهم شي ماتحوسونه لما تخلونه يركد

عشان مايختلط بالماي والهريس يتحول الى شوربه واذا تقدرون تحطون تنكه تحت الجدر احسن بعد عشان مايحترق ،، وبين فتره وفتره شيكوا عليه عشان لو نقص الماي تزيدونه

اهم شي الماي يكون فوق الحب بمقدار 6 سم او اكثر


وبعد مانشوفه استوي تقريبا نضيف الملح بعد مانخلطه بالماي الحار او بدون حتى لو كمية الماي كافيه

ونخلطه ونخليه بعد يركد لمدة ساعة بعدين نشيله من على النار


قبل مانبدأ في الضرب والحرب مع الهريس نشيل كمية كبيره من الماي من على الحب

لين ماتظهر الحبات عندنا واضحه وتبتدي بالضرب مع اضافة الماي بكميات قليله شوي شوي

عشان الليونه بس مانكثر الماي عشان مايتحول الهريس لشوربه

ولا نقلل وايد وحط في بالك ان الهريس لما يبرد بيجمد يعني خل نسبة الليونه جيده

انت ونظرتك


وفيه العافية