فن الكتابة

ما كل من هاجر دياره غريبي

يمكن يعيش بديرتك في غرابه

ولا كل من يرمي بسهمه يصيبي

ولا كل من ينشد عن العلم جابه

ولا كل من يكتب مقاله أديبي

يمكن يدون دون فن الكتابه

ولا كل شاعر في بيوته رهيبي

ما كل من جاب القصيد اعتنابه

ومافيه كهل إلا بدرب المشيبي

ومافيه عود ما ترجا شبابه

ومافيه بنت ما تمنى الخطيبي

ولا كل من يهوى حبيب اهتنابه

لو كل من دوا أجروحه تطيبي

ما كان تلقى اللي شكا من عذابه

الناس وإن مرضت تدور طبيبي

وأنا حياتي عقب خلي كآبه

وشت حيلتي في جرح قلبٍ عطيبي

القلب في يدينه وأظنه غدابه